Adventsgrüße von Helga Duffek Kopper

Weihnachtn is wiara Muatta,
so warm und behaglich und weich.
Du liegst in ihrm Arm mit die andern,
und alle Geschwister san gleich.

Weihnachtn is wiara Hüttn
mittn im tiafn Schnee.
Die Scheitln, die brennen im Ofn,
und da Rauch, der ziagt in die Höh'.

Weihnachtn is wiara Kindle,
so zart und so sauber und rein.
Kane Possn, kane Fleck, kane Sündn.
Du möchtst, es sollt imma so sein.

Weihnachtn is wiara Liadle,
wiara Liacht in da finstaren Nacht,
wiara Herzschlag, a Gschenk, wiara Bussl,
wiara König in all seiner Pracht.

Weihnachtn is wiara Hamgehn.
Der Weg hinter dir, der is lang.
Obarn Haustor das Liachtle, des leuchtet,
und auf amal is dir nimma bang.

Weihnachtn - des is a Sehnsucht
nach dem, was irgendwann war.
Du waßt eh, du sehnst di vergebens,
doch du freust di derwegn jedes Jahr.