Adventsgrüße von Helga Duffek Kopper

A bisserl z’sammenhuckn,
a wenig zuawedruckn,
amol auf longsom scholten,
wen um di Schultan holtn,
mit dir Adventkronz bindn,
helles Liacht anzünden,
neichs Rezept probiern,
still durch’n Wald spaziern,
sich mit seim Freind versöhnen
und an den Freund gewöhnen,
das Auto stehn lossn,
die „Zeit im Bild“ verpassen, 
dafür dem Nachbarn Kohln bringen,
mitnand a Liadle singen.
A kalte Hand berührn,
a leises Klingen spürn,
an frischen Stiezl riachn,
zu dir ins Bettle kriachn,
aufs Wünschen nit vagessen,
mitnand die Bibel lesn,
auf Kinderfragen hearn,
bisserl leiser wearn,
nit mehr so damisch jogn,
a bittre Stund ertrogn,
ganz waach sein und ganz offn,
und auf sei Ankunft hoffn, 
auf de sich alle gfrein –

dann wird wohl Weihnacht sein!